బొడ్లాడ గ్రామంలో ఆదర్శంగా నిలిచిన చేయూత కార్యక్రమం.
రోడ్డు ప్రమాద బాధిత కుటుంబాలకు బియ్యం పంపిణీ.
రిపోర్టర్.పడిదం నరేందర్.(9000802355)
సెంటర్. తొర్రూరు డివిజన్.
దంతాలపల్లి,మే 26 (నమస్తే న్యూస్ )
బొడ్లాడ గ్రామం ఇటీవల జరిగిన విషాద ఘటనతో కన్నీటి మడుగైంది. తోర్రూరు మండలం వెలికట్టే గ్రామ శివారులో చోటుచేసుకున్న ఘోర రోడ్డు ప్రమాదంలో అల్లి సంపత్, పొట్టకర్ల వంశీ, లింగమల్ల సతీష్ మృతి చెందడం గ్రామ ప్రజలను తీవ్ర విషాదంలోకి నెట్టింది. కుటుంబాలకు ఆధారంగా ఉన్న యువకులు ఒక్కసారిగా దూరం కావడంతో వారి ఇళ్లలో ఆవేదన, ఆర్తనాదాలు మార్మోగుతున్నాయి. ఈ కష్టకాలంలో బాధిత కుటుంబాలకు అండగా నిలుస్తూ కుందూరు శ్రీనివాస్ రెడ్డి మానవత్వాన్ని చాటుకున్నారు. ప్రతి కుటుంబానికి 50 కేజీల బియ్యాన్ని అందజేసి తమవంతు సహాయాన్ని అందించారు. బాధలో ఉన్న కుటుంబాలను పరామర్శిస్తూ ధైర్యం చెప్పడం ద్వారా గ్రామంలో మానవీయ విలువలు ఇంకా జీవించి ఉన్నాయని నిరూపించారు. మన సమాజంలో ప్రమాదాలు, అనారోగ్యాలు, అనుకోని మరణాలు కుటుంబాలను ఒక్కసారిగా కుదేలు చేస్తుంటాయి. అలాంటి వేళల్లో ప్రభుత్వం సహాయం ఎంత అవసరమో, సమాజం నుండి వచ్చే మానవీయ చేయూత కూడా అంతే ముఖ్యం. బాధిత కుటుంబాలను పరామర్శించడం, ధైర్యం చెప్పడం, ఆర్థికంగా తోడ్పడడం ద్వారా వారు ఒంటరివారు కాదనే నమ్మకం కలుగుతుంది. ఈ ఘటన గ్రామీణ సమాజంలో పరస్పర సహకారం ఎంత గొప్పదో గుర్తు చేసింది. నేటి కాలంలో మనుషులు తమ తమ జీవితాల్లో బిజీగా మారుతున్న వేళ, ఇలాంటి సేవా కార్యక్రమాలు మానవత్వానికి చిరునామాలుగా నిలుస్తున్నాయి. ఈ ప్రమాదంలో మరణించిన లింగమల్ల సతీష్ ఇద్దరు పిల్లలు తల్లి తండ్రులు లేక అనాధాలుగా మారడంతో ఇంకా గ్రామస్థులు ముందుకు వచ్చి వారిని ఆశ్రయించి హక్కునా చేర్చుకుంటారేమోనని గ్రామస్థులు ఎదురుచూస్తున్నారు . ఈ కార్యక్రమంలో మాజీ సర్పంచ్ జలగం నరేందర్ గౌడ్, ఇండ్ల వెంకన్న, ఈదులకంటి లింగారెడ్డి, జనిగల సురేష్, జనిగల హరీష్, గుర్రాల సందీప్, దంతాలపల్లి మండల ప్రెస్ క్లబ్ అధ్యక్షులు ఎర్రబోయిన మురళి యాదవ్ , ఎర్రం శ్రీకాంత్, కొత్తపల్లి యాకన్న, గువ్వ సోమయ్య, మాంకాలి సృజన్, గువ్వ మహేష్, గౌరబోయిన మహేష్, పులుగుజ్జ రమేష్, గోనెల సురేష్, ముత్యాల చందు, గౌరబోయిన తిరుమలేష్, బయ్య గణేష్ తదితరులు పాల్గొన్నారు.
