వర్షాకాలం వేళ.. సీజనల్ వ్యాధులపై ప్రజల్లో అప్రమత్తంగా ఉండాలి
కాంగ్రెస్ మండల నాయకులు కట్కూరి శ్రీనివాస్ రెడ్డి .
రిపోర్టర్:దామల్ల భాస్కర్
తిరుమలాయపాలెం,జూలై 7(నమస్తే న్యూస్ )
వర్షాకాలం ప్రారంభమైన నేపథ్యంలో మండల ప్రజలు ఆరోగ్య విషయాలపై అత్యంత అప్రమత్తంగా ఉండాలని మండల కాంగ్రెస్ పార్టీ నాయకులు కట్కూరి శ్రీనివాస్ రెడ్డి పిలుపునిచ్చారు. ఆయన విలేకరులతో మాట్లాడుతూ, వర్షాల వల్ల దోమలు వేగంగా వృద్ధి చెంది డెంగ్యూ, మలేరియా, టైఫాయిడ్ వంటి ప్రమాదకర జ్వరాలు ప్రబలే ప్రమాదం ఉందని హెచ్చరించారు. ప్రజలు అనారోగ్యాల బారిన పడకుండా ముందస్తు జాగ్రత్తలు తీసుకోవడం ద్వారానే కుటుంబాలను రక్షించుకోగలరని ఒక మంచి సందేశాన్ని ఇచ్చారు.
అధికారులు, ప్రజల భాగస్వామ్యంతోనే ఆరోగ్య సమాజం
వైద్య ఆరోగ్యశాఖ, పంచాయతీ అధికారులు తక్షణమే స్పందించి ముందస్తు నివారణ చర్యలు చేపట్టాలని ఆయన డిమాండ్ చేశారు. ప్రతి గ్రామంలోనూ బ్లీచింగ్ పౌడర్ చల్లడం, యాంటీ లార్వా ఆపరేషన్లు చేయడం మరియు క్రమం తప్పకుండా ఫాగింగ్ నిర్వహించడం అత్యంత అవసరమన్నారు. ప్రభుత్వ ఆసుపత్రులలో అవసరమైన మందులు, ఓఆర్ఎస్ ప్యాకెట్లు సిద్ధంగా ఉంచాలని కోరారు.
ప్రజలు సురక్షిత జీవనానికి సూచించిన ముఖ్య సందేశాలు:
•దోమల నివారణ: ఇళ్ల పరిసరాల్లో, పాత టైర్లు, కుండీలలో నీరు నిల్వ ఉండకుండా చూసుకోవాలి.
•సురక్షిత తాగునీరు: వర్షాకాలంలో కలుషిత నీటి వల్ల వ్యాధులు వచ్చే ప్రమాదం ఎక్కువ కాబట్టి, నీటిని కాచి చల్లార్చి తాగాలి. స్వీయ వైద్యం వద్దు: జ్వరం, ఒంటినొప్పులు వంటి లక్షణాలు కనిపిస్తే నిర్లక్ష్యం చేయకుండా వెంటనే ప్రభుత్వ వైద్యులను సంప్రదించాలి.ఆరోగ్యమే మహాభాగ్యం” అనే సూక్తిని గుర్తు చేస్తూ, పరిసరాల పరిశుభ్రత ప్రతి ఒక్కరి సామాజిక బాధ్యత అని కట్కూరి శ్రీనివాస్ రెడ్డి స్పష్టం చేశారు.
About The Author
