అధికారులు వెంటనే స్పందించాలి
ప్రమాదాలు జరిగేలోపు చర్యలు తీసుకోవాలి: డా. ఉక్కుల అశోక్
ఆదిభట్ల,ఆగస్టు11 (నమస్తే న్యూస్):హైవేపై ప్రమాదకరంగా ఉన్న అండర్డ్రైనేజీ గుంతలు వాహనదారులు, పాదచారులను భయాందోళనకు గురిచేస్తున్నాయి. కొంగరకాలన్ 54వ డివిజన్ పరిధిలోని చింతపల్లిగూడ ఎక్స్ రోడ్ సమీపంలో నాగార్జునసాగర్ హైవేపై శ్రీ రాఘవేంద్ర హోటల్ వద్ద ఉన్న డ్రైనేజీ గుంతలతో ఎప్పుడు ఏ ప్రమాదం జరుగుతుందోనని స్థానికులు ఆందోళన వ్యక్తం చేస్తున్నారు.రహదారిపై వేగంగా రాకపోకలు సాగించే వాహనాలు గుంతలను తప్పించే క్రమంలో అదుపుతప్పే అవకాశం ఉందని, ముఖ్యంగా రాత్రి వేళల్లో ప్రమాద ముప్పు మరింత ఎక్కువగా ఉంటుందని తెలంగాణ పీసీసీ ఎస్సీ విభాగం రాష్ట్ర ప్రధాన కార్యదర్శి డా. ఉక్కుల అశోక్ అన్నారు.ప్రమాదం జరిగే వరకు వేచి చూడొద్దుఇప్పటికే ప్రమాదకరంగా మారిన ప్రాంతాన్ని జీహెచ్ఎంసీ అధికారులు తక్షణమే పరిశీలించాలని డా. ఉక్కుల అశోక్ కోరారు. గుంతల చుట్టూ వెంటనే హెచ్చరిక బోర్డులు, బ్యారికేడ్లు ఏర్పాటు చేసి వాహనదారులను అప్రమత్తం చేయాలని, అనంతరం గుంతలను పూడ్చి రహదారికి శాశ్వత మరమ్మతులు చేపట్టాలని డిమాండ్ చేశారు.“ప్రమాదం జరిగిన తర్వాత స్పందించడం కాకుండా ముందుగానే చర్యలు తీసుకోవాలి. ప్రజల ప్రాణాలకు ముప్పు కలిగించే పరిస్థితిని అధికారులు నిర్లక్ష్యం చేయకూడదు” అని ఆయన అన్నారు. అండర్డ్రైనేజీ పనులకు అనుమతులున్నాయా?అండర్డ్రైనేజీ పనులకు జీహెచ్ఎంసీ అనుమతులు ఉన్నాయా? ఏ శాఖ అనుమతి ఇచ్చింది? వర్క్ ఆర్డర్ ఎవరి పేరుతో ఉంది? సంబంధిత శాఖల నుంచి ఎన్ఓసీలు తీసుకున్నారా? అనే వివరాలను అధికారులు ప్రజలకు వెల్లడించాలని డా. ఉక్కుల అశోక్ డిమాండ్ చేశారు.నిబంధనలకు విరుద్ధంగా పనులు చేపట్టినట్లు తేలితే బాధ్యులపై చర్యలు తీసుకోవాలని కోరారు. పనులకు సంబంధించిన అనుమతులు, వర్క్ ఆర్డర్, సాంకేతిక వివరాలు, ఎన్ఓసీలు తదితర వివరాలను పారదర్శకంగా వెల్లడించాలని ఆయన అన్నారు.ప్రమాదాల నివారణకు తక్షణ చర్యలుహైవేపై ప్రమాదకరంగా ఉన్న గుంతల వద్ద వెంటనే తాత్కాలిక భద్రతా చర్యలు చేపట్టి, సమస్యకు శాశ్వత పరిష్కారం చూపాలని జీహెచ్ఎంసీ అధికారులను డా. ఉక్కుల అశోక్ కోరారు. ప్రమాదాలు జరిగిన తర్వాత కాకుండా ముందుగానే స్పందించి ప్రజల ప్రాణాలను కాపాడాలని విజ్ఞప్తి చేశారు.
About The Author
