అజ్ఞానాన్ని పోగొట్టి జ్ఞాన జ్యోతులు వెలిగించేది గురువులే.
బీజేపీ ఎండోమెంట్ సెల్ జిల్లా కన్వీనర్లు శ్రీధర్,నాగేష్.
- గురు పౌర్ణమి సందర్భంగా ఆలయ అర్చకులకు శాలవాలతో సత్కారం.
కారంపురి వెంకటేశ్వర్లు నేత.7893556455.
మరిపెడ,జూలై 30(నమస్తే న్యూస్)
"గురుర్బ్రహ్మ గురుర్విష్ణుః గురుర్దేవో మహేశ్వరః"అనే భారతీయ సూక్తికి ప్రతీకగా మరిపెడ మండలం భక్తి పరిమళాలతో నిండిపోయింది.సనాతన ధర్మంలో గురువుకు ఉన్న అత్యున్నత స్థానాన్ని గుర్తు చేస్తూ గురుపూర్ణిమ వేడుకలు అత్యంత వైభవంగా జరిగాయి.వేదకాలం నుంచి నేటి వరకు భారతదేశం గురుశిష్య పరంపరకు పుట్టిల్లు.గురువు అంటే కేవలం చదువు చెప్పేవాడు కాదు,జీవితానికి దిశానిర్దేశం చేసే మార్గదర్శకుడు,అజ్ఞానాంధకారాన్ని పోగొట్టే జ్ఞానజ్యోతి.అలాంటి గురువుల త్యాగాన్ని,సేవను స్మరించుకునే పవిత్ర దినమే గురుపూర్ణిమ.ఈ స్ఫూర్తితో బీజేపీ ఎండోమెంట్ సెల్ మహబూబాబాద్ జిల్లా కో-కన్వీనర్ ఆలవాల శ్రీధర్-జాయింట్ కన్వీనర్ గర్రేపల్లి నగేష్ ఆధ్వర్యంలో మరిపెడ మండలంలోని పలు ఆలయాల అర్చక స్వాములను ఘనంగా సన్మానించారు.స్థానిక భక్తులు,గ్రామ పెద్దలు పెద్ద సంఖ్యలో పాల్గొని కార్యక్రమాన్ని విజయవంతం చేశారు."గురువే భారతీయతకు మూలం ఈ సందర్భంగా నేతలు ప్రసంగిస్తూ..."సనాతన ధర్మం ప్రపంచానికే ఆదర్శం.ఎందుకంటే ఇక్కడ గురువును దైవంతో సమానంగా చూస్తాం.తల్లిదండ్రుల తర్వాత స్థానం గురువుదే.ఆయన ఇచ్చే విద్య, సంస్కారం,విలువలే ఒక దేశ భవిష్యత్తును నిర్ణయిస్తాయి.ఈరోజు సమాజంలో మానవీయ విలువలు తగ్గిపోతున్న తరుణంలో గురుపూజ సంప్రదాయాన్ని మళ్లీ గుర్తు చేయాల్సిన అవసరం ఉంది.గురువులు ఇచ్చే ఆధ్యాత్మిక శాంతి,నైతిక బోధనే యువతను సరైన మార్గంలో నడిపిస్తాయి.అందుకే గురువులను గౌరవించడం ప్రతి భారతీయుడి కర్తవ్యం" అని స్పష్టం చేశారు.అర్చకులకు సత్కారం ఆశీర్వాదాలు గురుపూర్ణిమ పర్వదినాన్ని పురస్కరించుకుని ఆలయాల్లో పూజలు నిర్వహించి,అర్చకులకు శాలువాలు కప్పి,పూలమాలలు వేసి సత్కరించారు.సత్కారం అందుకున్న ప్రముఖులు:గుండెపూడి లక్ష్మీనరసింహస్వామి సేవా ఆలయ అర్చకులు సముద్రాల వెంకట లక్ష్మీనరసింహాచార్యులు,మరిపెడ శివాలయ అర్చకులు పాకాల రఘురాం శర్మ,మాకుల దేవస్థాన అర్చకులు నల్లాన చక్రపాణి లక్ష్మీనరసింహాచార్యులు,మరిపెడ పట్టణ రామాలయ అర్చకులు సుదర్శన్ భట్టాచార్యులు.అర్చకులు ఆశీర్వదిస్తూ ధర్మాన్ని కాపాడే బాధ్యతలో మేము భాగస్వాములం.యువతకు మంచి సంస్కారం అందించడానికి కృషి చేస్తాం అని అన్నారు.ఈ కార్యక్రమంలో గడ్రెపల్లి కాంతారావు,పులి శ్రీనివాస్ గౌడ్,శ్రీనివాస్ తదితర బీజేపీ నాయకులు,కార్యకర్తలు పాల్గొన్నారు...
