మరిపెడ, ఆగస్టు 8 (నమస్తే న్యూస్):
నిషేధిత గడ్డిమందు సేవించి ఆత్మహత్యాయత్నానికి పాల్పడిన విద్యార్థి చికిత్స పొందుతూ మృతి చెందిన విషాద ఘటన మరిపెడ మండలంలో చోటుచేసుకుంది.మండలంలోని బీచురాజ్పల్లి శివారు జరుపుల తండాకు చెందిన జరుపుల అక్షిత్ కొన్ని రోజుల క్రితం గడ్డిమందు సేవించినట్లు సమాచారం. విషయం తెలుసుకున్న కుటుంబ సభ్యులు వెంటనే అతడిని ఆసుపత్రికి తరలించారు. పరిస్థితి విషమంగా ఉండటంతో వైద్యుల పర్యవేక్షణలో చికిత్స అందించారు. అయితే చికిత్స ఫలించక శనివారం తెల్లవారుజామున అక్షిత్ మృతి చెందినట్లు కుటుంబ సభ్యులు తెలిపారు.పురుగుమందుల దుకాణంలో కొనుగోలు చేసినట్లు సమాచారంఅక్షిత్ వ్యక్తిగత కారణాలతో ఆత్మహత్యాయత్నానికి పాల్పడినట్లు సమాచారం. అయితే అతడు నిషేధిత గడ్డిమందును మరిపెడలోని అక్షజ్ పురుగుమందుల దుకాణంలో కొనుగోలు చేసినట్లు స్థానికంగా ప్రచారం జరుగుతోంది. ఈ విషయంపై అధికారిక నిర్ధారణ కావాల్సి ఉంది.నిషేధిత గడ్డిమందుల విక్రయాలపై అధికారులు మరింత నిఘా పెంచాలని స్థానికులు కోరుతున్నారు. నిబంధనలకు విరుద్ధంగా నిషేధిత మందులను విక్రయించినట్లు తేలితే సంబంధిత వ్యక్తులపై చట్టపరమైన చర్యలు తీసుకోవాలని వారు డిమాండ్ చేస్తున్నారు.దుకాణ యజమానిపై విచారణ జరపాలని డిమాండ్విద్యార్థి మృతికి సంబంధించిన పరిస్థితులపై సమగ్ర విచారణ జరపాలని స్థానికులు కోరుతున్నారు. అక్షిత్కు గడ్డిమందు ఎలా లభించింది? దానిని ఎక్కడి నుంచి కొనుగోలు చేశాడు? విక్రయ నిబంధనలు ఉల్లంఘించారా? అనే అంశాలపై వ్యవసాయ, పోలీసు అధికారులు దర్యాప్తు చేయాలని వారు విజ్ఞప్తి చేస్తున్నారు.అయితే విద్యార్థి మృతికి దుకాణ యజమాని కారణమనే ఆరోపణలు అధికారికంగా నిర్ధారణ కాలేదు. దర్యాప్తులో వాస్తవాలు వెలుగులోకి రావాల్సి ఉంది.
About The Author
