ఢిల్లీ లో విద్యార్థులపై లాఠీచార్జ్కు నిరసనగా కాకరవాయిలో ప్రభుత్వ, ప్రైవేట్ పాఠశాలలు బంద్.
ఎన్ఎస్యూఐ పిలుపు మేరకు కాంగ్రెస్ ఆధ్వర్యంలో నిరసన కార్యక్రమం.
కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని డిమాండ్.
తిరుమలాయపాలెం, జూలై 24: (నమస్తే న్యూస్ )
దేశ రాజధాని ఢిల్లీలో శాంతియుతంగా ఆందోళన నిర్వహిస్తున్న విద్యార్థులపై పోలీసులు లాఠీచార్జ్ చేయడాన్ని తీవ్రంగా ఖండిస్తూ, నేషనల్ స్టూడెంట్ యూనియన్ ఆఫ్ ఇండియా (ఎన్ఎస్యూఐ) దేశవ్యాప్తంగా ఇచ్చిన బంద్ పిలుపు మేరకు శుక్రవారం తిరుమలాయపాలెం మండలం లోని కాకరవాయి గ్రామంలో ప్రభుత్వ, ప్రైవేట్ పాఠశాలలను కాంగ్రెస్ పార్టీ ఆధ్వర్యంలో బంద్ నిర్వహించారు. ఈ బంద్కు విద్యార్థులు, యువత, కాంగ్రెస్ నాయకులు, కార్యకర్తలు పెద్దఎత్తున మద్దతు తెలిపారు.ఈ సందర్భంగా కాంగ్రెస్ నాయకులు గ్రామంలోని పలు విద్యాసంస్థలను సందర్శించి విద్యార్థులు, ఉపాధ్యాయులు, యాజమాన్యాలతో మాట్లాడారు. ఢిల్లీలో విద్యార్థులపై జరిగిన లాఠీచార్జ్ ప్రజాస్వామ్య స్ఫూర్తికి విరుద్ధమని, విద్యార్థులు తమ సమస్యలపై శాంతియుతంగా నిరసన తెలిపే హక్కు భారత రాజ్యాంగం కల్పించిందని పేర్కొన్నారు. అలాంటి విద్యార్థులపై బలప్రయోగం చేయడం అత్యంత బాధాకరమని ఆవేదన వ్యక్తం చేశారు.
నిరసనలో పాల్గొన్న నాయకులు మాట్లాడుతూ..దేశ భవిష్యత్తును నిర్మించే విద్యార్థుల గొంతును అణచివేయాలని కేంద్ర ప్రభుత్వం ప్రయత్నించడం సరికాదన్నారు. విద్యార్థులపై లాఠీచార్జ్ జరగడం దేశవ్యాప్తంగా విద్యార్థి సమాజాన్ని కలచివేసిందని, ఈ ఘటనపై కేంద్ర ప్రభుత్వం వెంటనే స్పందించి బాధ్యులపై కఠిన చర్యలు తీసుకోవాలని డిమాండ్ చేశారు.
అలాగే కేంద్ర విద్యాశాఖ మంత్రి ధర్మేంద్ర ప్రధాన్ ఈ ఘటనకు నైతిక బాధ్యత వహిస్తూ వెంటనే తన పదవికి రాజీనామా చేయాలని డిమాండ్ చేశారు. విద్యార్థులపై జరిగిన దాడికి సంబంధించి స్వతంత్ర విచారణ జరిపి వాస్తవాలను దేశ ప్రజల ముందుంచాలని కోరారు. విద్యార్థులపై నమోదైన కేసులు ఉంటే వాటిని వెంటనే ఉపసంహరించుకోవాలని కూడా డిమాండ్ చేశారు.
కాకరవాయి గ్రామంలో ప్రభుత్వ, ప్రైవేట్ పాఠశాలల విద్యార్థులు స్వచ్ఛందంగా బంద్కు సహకరించడం విశేషం. పలువురు విద్యార్థులు ఈ సందర్భంగా మాట్లాడుతూ..విద్యార్థుల హక్కుల పరిరక్షణ కోసం నిర్వహించిన ఈ నిరసనకు తమ పూర్తి మద్దతు ఉంటుందని తెలిపారు.కాంగ్రెస్ నాయకులు మాట్లాడుతూ..ప్రజాస్వామ్యంలో విభేదాలను అణచివేయడానికి లాఠీలు, బలప్రయోగం పరిష్కారం కాదన్నారు. విద్యార్థుల సమస్యలను చర్చల ద్వారా పరిష్కరించాల్సిందిపోయి వారిపై దాడులకు పాల్పడటం దురదృష్టకరమని విమర్శించారు. కేంద్ర ప్రభుత్వం విద్యార్థుల భవిష్యత్తుపై దృష్టి సారించాలని, విద్యా రంగానికి సంబంధించిన సమస్యలను పరిష్కరించేందుకు చర్యలు తీసుకోవాలని కోరారు.ఈ సందర్భంగా నిరసనలో పాల్గొన్న నాయకులు విద్యార్థుల ఐక్యతను అభినందిస్తూ, దేశవ్యాప్తంగా విద్యార్థుల హక్కుల కోసం జరుగుతున్న పోరాటానికి తమ సంఘీభావాన్ని ప్రకటించారు. భవిష్యత్తులో కూడా విద్యార్థుల సమస్యల పరిష్కారం కోసం కాంగ్రెస్ పార్టీ, ఎన్ఎస్యూఐ తరఫున ఉద్యమాలు కొనసాగుతాయని తెలిపారు.*ఈ కార్యక్రమంలో కాంగ్రెస్ పార్టీ మండల, గ్రామ నాయకులు కట్కూరి.శ్రీనివాస్ రెడ్డి,మోరపాక నాగయ్య, గుండాల లింగయ్య, కొత్తపెళ్లి మల్లయ్య, దామర్ల కృష్ణ,గుండాల మహేష్,మోర శేసి ఎన్ ఎస్ యు ఐ నాయకులు, కార్యకర్తలు, విద్యార్థులు, యువజన ప్రతినిధులు, పలువురు గ్రామ పెద్దలు పాల్గొన్నారు.
About The Author
