కళ్యాణలక్ష్మి,షాదీ ముబారక్ లబ్ధిదారులకు చెక్కులు. -

స్మార్ట్ కార్డులు పంపిణీ చేసిన ప్రభుత్వ విప్ డాక్టర్ జాటోత్ రామచంద్రనాయక్.

నమస్తే న్యూస్/డోర్నకల్ నియోజకవర్గం ప్రతినిధి:

మహబూబాబాద్ జిల్లా మరిపెడ మండల కేంద్రంలో ప్రభుత్వం అమలు చేస్తున్న సంక్షేమ పథకాల కింద అర్హత పొందిన లబ్ధిదారులకు ప్రభుత్వ విప్,డోర్నకల్ శాసనసభ్యులు డాక్టర్ జాటోత్ రామచంద్రనాయక్ చెక్కులు,స్మార్ట్ రేషన్ కార్డులు పంపిణీ చేశారు.ఈ సందర్భంగా కళ్యాణలక్ష్మి,షాదీ ముబారక్ పథకాల లబ్ధిదారులకు ఆర్థిక సహాయం చెక్కులను అందజేయడంతో పాటు,నూతన స్మార్ట్ రేషన్ కార్డులు లబ్ధిదారులకు స్వయంగా అందించారు.పేద,మధ్యతరగతి కుటుంబాలకు ఆర్థిక భరోసా కల్పించేందుకు ప్రభుత్వం పలు సంక్షేమ పథకాలను అమలు చేస్తోందని ఎమ్మెల్యే డాక్టర్ జాటోత్ రామచంద్రనాయక్ తెలిపారు.ఆడపిల్లల వివాహ సమయంలో కుటుంబాలకు ఆర్థికంగా అండగా నిలిచేందుకు కళ్యాణలక్ష్మి,షాదీ ముబారక్ పథకాల ద్వారా ప్రభుత్వం సహాయం అందిస్తోందన్నారు.అర్హత కలిగిన ప్రతి కుటుంబానికి సంక్షేమ పథకాల ప్రయోజనాలు అందేలా ప్రభుత్వం చర్యలు తీసుకుంటోందని పేర్కొన్నారు.కళ్యాణ లక్ష్మి,షాదీ ముబారక్ చెక్కుల పంపిణీతో పాటు నూతన స్మార్ట్ రేషన్ కార్డుల పంపిణీ కూడా చేపట్టడం ద్వారా అర్హులైన కుటుంబాలకు ప్రభుత్వ సంక్షేమ పథకాల ప్రయోజనాలు నేరుగా అందుతున్నాయని ఆయన తెలిపారు.రేషన్ కార్డుల ద్వారా అర్హులైన కుటుంబాలకు ప్రభుత్వ ఆహార భద్రత పథకాల ప్రయోజనాలు అందుతాయని,స్మార్ట్ కార్డుల ద్వారా సంబంధిత ప్రభుత్వ సేవలను సులభంగా పొందేందుకు అవకాశం ఉంటుందని వివరించారు.ప్రభుత్వం అందిస్తున్న సంక్షేమ పథకాలను అర్హులైన లబ్ధిదారులు సద్వినియోగం చేసుకోవాలని ఎమ్మెల్యే సూచించారు.పథకాల అమలులో ఎలాంటి సమస్యలు ఉన్నా సంబంధిత అధికారుల దృష్టికి తీసుకురావాలని,అర్హత ఉన్న ప్రతి ఒక్కరికీ ప్రభుత్వ పథకాల ప్రయోజనాలు అందేలా కృషి చేస్తామని తెలిపారు.ఈ కార్యక్రమంలో మున్సిపల్ చైర్ పర్సన్ ప్రగతి శ్రీపాల్ రెడ్డి,వైస్ చైర్ పర్సన్ సునిత రవిందర్ రెడ్డి,మరిపెడ మండలం కాంగ్రెస్ పార్టీ అధ్యక్షులు గుగులోత్ రవి నాయక్,టౌన్ అధ్యక్షులు,కౌన్సిలర్లు,ప్రజాప్రతినిధులు,సర్పంచులు,కాంగ్రెస్ పార్టీ నాయకులు,అధికారులు,లబ్ధిదారులు తదితరులు పాల్గొన్నారు..